सोलापुर-पुणे प्रवासी संघटना  फेसबुक वर

प्रवाशांचा न्यायह्क्कासाठी एक चळवळ

शब्दांनाही कोडं पडावं अशी काही गोड माणसं असतात;
केवढं आपलं भाग्य असते जेव्हा ती आपली असतात.

सोलापुर पुणे प्रवासी संघटना स्थापना १९.०८.२००८ ला करण्यात आली. सोलापुर, पुणे, पंढरपूर,केम,कुर्डुवाडी,माढा ,मोहोळ,पास धारक व प्रवासी यांच्या अडचणी सोडवन्या करीता संघटना स्थापन करण्याचे मुख्य कारण आहे. रेलवे पशासन व प्रवासी याच्यात स्नमय साधणे हे महत्वाचे उद्दीष्ट होते ते आम्ही साध्य केले आहे.व यापुढे प्रवास्याच्या अडचणी सोडवन्याबाबत आम्ही कटीब्द आहोत. आमची संघटना प्रवाश्याची सुरशीतता व सुखाने प्रवास करता यावा याची सूचना देत असते व तसेच सामाजीत उपक्रम ही करत असते.

अध्यक्ष                        :-  संजयदादा टोणपे   
कार्याध्यक्ष                    :-  मुकुंद बोकेफोडे   

सचिव                          : - महावीर शहा

उपाध्यक्ष                      : - श्रीनिवास बागडे, दीपक ढवाणसर ,प्रविन चौरे (माढा)
सहसचिव                      :-  जाफर पठाण
खजीनदार                     :- प्रमोद बळे  
सह खजीनदार                :- विजयकुमार चांदणे
प्रसिध्यी प्रमुख                :-  दर्शन शिरसकर,शफिक शेख  
कायदेशीर सल्लागार        :- अँड सुरेश उमराव बागल (अँडव्होकेट व नोटरी भारत सरकार )
 
 

सर्व सभासद आणि त्यांच्या कुटुंबियांना हार्दिक शुभेच्छा!! 

सचिव

महावीर शहा

ब्लॉग

www.mahavir1975.webnode.com

कुर्डुवाडी रेल्वे कारखानासह दुहेरीकरणालाही विशेष गती हवी

सोलापूर - रेल्वे अर्थसंकल्पात विभागाच्या वाट्याला दरवर्षी येणारी निराशा व तुटपुंजा वाटा पाहता वर्षानुवर्षे मागण्यांना वाटाण्याच्या अक्षता लावल्या जात असल्याची सोलापूरकरांची भावना दाट आहे. राजकीय पाठपुरावा नसणे ही खंत सोलापूर विद्यापीठासह सोलापूर रेल्वे विभागाच्याही मनात खदखदत आहेच. त्या पार्श्‍वभूमीवर उद्याच्या रेल्वे अर्थसंकल्पाच्या पोतडीतून सोलापूरकरांच्या वाट्याला काय येणार ? हेही पाहणे महत्त्वाचे ठरेल.

विभागातून पाच गाड्यांचा प्रस्ताव अर्थसंकल्पासाठी पाठविण्यात आला आहे. त्यात सोलापूर हावडा (कुर्डुवाडी - लातूर - परभणी मार्गे), सोलापूर अजमेर (दौंड कोपरगाव मनमाडमार्गे),सोलापूर नागपूर (कुर्डुवाडी लातूर परभणी मार्गे), कोल्हापूर हैदराबाद (पंढरपूर कुर्डुवाडी मिरजमार्गे) व लातूर मिरज या गाड्यांचा समावेश आहे. मात्र,  त्याशिवाय विजापूर-मुंबई-विजापूर ही आठवड्यातून चार दिवस असणारी पॅसेंजर दैनंदिन करावी, ही मागणी आहेच.

कुर्डुवाडी रेल्वे कारखान्यात ब्रॉडगेज डबे तयार व्हावेत, हा कारखाना सुरू राहावा, ही मागणी सातत्याने डावलण्यात येत आहे. यासाठी अर्थसंकल्पातून भरीव तरतूद होण्याची गरज आहे. दौंड ते वाडी दरम्यान 270 किलोमीटर मार्गाचे दुहेरीकरण बाकी आहे, यासाठी आशिया बॅंकेतून निधी उपलब्ध झाला आहे, मात्र वाढीव निधी देत हा प्रकल्प तातडीने मार्गी लावला जाणे अपेक्षित आहे. कारण या कामानंतरच आठशे कोटी रुपये खर्चाचे विद्युतीकरण प्रकल्प हाती घेतला जाणार आहे.

पंढरपूर-मुंबई दैनंदिन व्हावी
पंढरपूर-मुंबई तीन दिवस आहे, ती दैनंदिन करावी, ही प्रमुख मागणी आहे. पंढरपूर-मिरज हा ट्रॅक सुरू झाला मात्र या मार्गावरील पंढरपूर कुर्डुवाडी नियमित धावणाऱ्या सोयीच्या काही गाड्या बंद करण्यात प्रशासनाने काय डाव साधला हे समजत नसल्याची प्रतिक्रिया व्यक्त होत आहे. या गाड्या पूर्वीसारख्याच सोडण्यात याव्यात, ही मागणी आता नव्याने होत आहे. पंढरपूर लोणंद मार्ग हा तर रेल्वेने केलेला सर्वात मोठा विनोदच आहे की असे वाटू लागण्यासारखी परिस्थिती दिसून येत आहे, मार्गाचे केवळ सर्वेक्षण झाले आहे, या बाबतीतही राजकीय पाठपुरावा करणे गरजेचे असल्याचे मत पंढरपूरवासीयांतूनही होत आहे.

बार्शीकरांच्या मागण्या प्रलंबितच
ब्रॉडगेज मार्गावरील बार्शी मालवाहतुकीतील महत्त्वाचे स्थानक असल्याने येथे मालधक्का तातडीने उभे करण्याची मागणी आहे. याचबरोबर स्टेशन लांब पडत असल्याने आरक्षण सेंटर शहराच्या मध्यवर्ती भागात सुरू व्हावी, अशी मागणी आहे. वैराग परिसरातील नागरिकांच्या सोयीसाठी बार्शी सोलापूर रोडवरील राजन मिलजवळ नव्याने रेल्वे स्थानक उभारण्याची मागणी आहे. स्टेशन लांबवर असल्याने सिटी बस सोडण्यात यावी, शेअर रिक्षा अशा काही मागण्या स्थानिक स्तरावर मांडण्यात येतात.

रेल्वे अर्थसंकल्पात नव्या गाड्या सुरू व्हाव्यात, अशी मागणी सातत्याने होतेच. ते राहिले बाजूला उलट पंढरपूर कुर्डुवाडी या मार्गावरील सोयीच्या सर्व गाड्या बंद करून रेल्वे प्रशासनाने असुविधाच केली आहे. त्या गाड्या पूर्ववत सुरू व्हाव्यात.
- महावीर शहा ,सचिव, सोलापुर पुणे प्रवासी संघटना